Unsere Reis het so ahgfange
mit em Car sin mr vom Joggeli
uf Liestal gange
vo Liestal sin mr den uf Schätz gfahre
zum meeh über d Königszanderzucht zerfahre
jede het dörfe e farbige Zettel zhyy
und duffgob het dort no niemer gwüsst wie
d gruppe hän ihri uffgobbe gseit bekho
und jede het e dänkaschuub bekoh
in schätz sin mr den glandet
e gmiettliggi stimmig het sich uf em hof ahhbandlet
Dr … hän uns alles zeigt und sich viel zyt gnooh drnooh hän mr au no e scheens apero bechoo
Unseri uffgobbe hän mr in dr Farbigge gruppe Dörfe mit viel Kreativität uf e Bild abdrugge
Drno sin mr in Gasthof St. Wendelin schön go ässe und s Menü isch wunderbar gsi, fascht schon verfrässe
Fiir die wo nach em Dessert no hän welle die hän sich dörfe uf pfäll vom Pfallbauerdorf stelle
uf e nomitag hän mr uns richtig rägge gwandlet und sin am änd in Kottwil glandet .
Dört het uns dr patty härzlig empfange
und durch dr rägge sin mr au zimmlig schnäll in sii schüüne gange
Mr hänn den mol vo sinne viele Schnäpps affo degustiere und dr eint oder ander het au scho bitz affo liere
seint oder ander Spiel hämmer dört no gmacht nur s Wasser het in dr Folie nit immer so mitgmacht.
Gegene obbe sin mr no mit fiine spiise
mit salat und Fleisch vom heisse isse
verwöhn worde und sschnäppsli het nie dörfe zkurz khooh drumm hämmer immer mol wieder eine gnooh.
Wos wätter isch worde e pracht
hän mr no e färtli mit em Hürlimaah gmacht
dr Patty het uns sii grosses Obstland zeigt und e paar Schnäppsli het är au no mit sich dreit.
So isch dääh scheeni Daag den au langsam zänd gange und mr hän langsam uf dheimfahrt miiesse bange
Es isch gsi e riise freyd das zschrribe
und ich hoff es wird uns no bitz in gedangge bliibe.
Florian Jucker